Internet ahalduntze- eta erresistentzia-gunea izan daiteke emakumeentzat eta sistema zisteteropatriarkalak bortxatutako identitate guztientzat
2023ko martxoaren 30etik maiatzaren 25era bitartean, ostegunero 8 saiotan eta larunbatetan 2 saio estran, bideokonferentzia bidez konektatuko gara emakumeen aurkako online indarkerien eta ziberjazarpenaren problematika ikuspegi feministarekin jorratzeko.
Gure online bizitza bizitzaren beste luzapen bat besterik ez da; horregatik, indarkeria matxistak ere betikotu egiten dira esparru horretan, eta emakumeok aukera gehiago ditugu horiek esperimentatzeko, batez ere lagun minen aldetik.
Teknologien eta sare sozialen erabileraren gorakadarekin, jokabide horiek hazi egiten dira, eta gero eta emakume gehiago gaude ziberjazarpen matxista jasateko arriskuan, beste behin ere tresna teknologikoak erabiltzetik bortxatuz eta urrunduz.
Ikastaro dinamikoa eta parte-hartzailea da, interesa duten emakume helduentzat edo sare sozialen eta Interneten erabiltzaileentzat (ez da beharrezkoa gaiari buruzko ezagutza espezifikorik izatea).
Ikastaro honetan, sare sozialak eta Internet erabiltzean zisheteropatriarkatuak eragindako emakume askok eta beste identitate batzuek jasaten dituzten indarkerien aurrean ahaldundu nahi dugu. Tresna digital horiek nola funtzionatzen duten ezagututa, online indarkeriak zer diren eta indarkeria horiek nola eragiten diguten ulertuko dugu, genero-arrakala digitala areagotuz. Gainera, estrategiak landuko ditugu, banaka zein taldeka, geure burua babesteko eta defendatzeko.
Edukiak
Zer dira online indarkeria matxistak?
Ziberjazarpenari buruzko mitoak
Ziberindarkerien ezaugarriak
Internet Feminista
Pribatutasuna eta segurtasuna sarean
Online indarkeria matxisten jokabideak eta adierazpenak
Ziberindarkerien ondorioak
Prebentzioko eta erantzuneko banakako eta taldeko estrategiak
Autozainketa digitalak
Baliabide interesgarriak
Kontsultarik baduzu, jarri harremanetan helbide elektroniko hauetara: autodefensa@otrotiempo.org edota educa.bizkaia@medicusmundi.es
