III. Durangotik Hegoaldera lehiaketa

medicusmundi Bizkaia elkarteak eta Durangoko Udalak hirugarren aldiz antolatu dute Durangotik Hegoaldera lehiaketa, helburu bikoitzarekin: batetik, durangarrak osasunerako eskubidearen alde aktibatzea, eta, bestetik, Hegoaldeko herrialdeetako (hala nola, Guatemala, Honduras, Kongoko ED edo Ruanda; medicusmundi Bizkaiak hainbat urte baitarama bertan lanean) errealitatea ezagutaraztea.

Lehiaketa 2025eko abenduan egingo da eta talde irabazleak 2026an Guatemalara bidaiatu ahal izango du medicusmundi Bizkaiak bertan garatzen dituen proiektuak ezagutzeko.

Taldeak hiru pertsonakoak izango dira; taldekideak adinez nagusiak izan behar dira; gutxienez bi taldekide Durangoko biztanleak izan behar dira.

Talde bakoitzak bi proposamen egingo ditu: 1) Zer egin dezakegu Durangon osasunaren alde? Bereziki sexu- eta ugalketa-osasunari dagokionez 2) Guatemalara bagoaz… Zer ekarriko dugu bueltan Durangora?

Epaimahaiak proposamen interesgarriena zein den hautatuko du.

Proposamenak egokiak izan daitezen, medicusmundiren lana eta Durangoren laguntzarekin egindako proiektuen testuingurua (Guatemala eta Kongo) ezagutarazteko aurkezpen saio bat egingo dugu, eta bi tailer, bata indarkeria obstetrikoari buruzkoa eta bestea osasun menstrualari buruzkoa. Izan ere, Durangoko Udalak lagundutako azken proiektuak gai hauen ingurukoak izan dira. medicusmundik eta Udalak hamar urte daramate elkarlanean eta proiektuek beti lehenetsi dituzte giza eskubideak (batik bat, sexu- eta ugalketa-eskubideak babesteko, errespetatzeko, eta bermatzeko) eta berariaz lantzen diuzte emakumeen kontrako indarkerien prebentzioa eta indarkeria horiek deuseztatzeko borroka.

Ekintzetan edonork parte har dezake, lehiaketan parte hartu gabe ere.

Antolaketa hobetzeko, eman izena ekintzetan, mesedez (behean inskripzio orriak).

Eman izena lehiaketan:

https://erabili.liberaforms.org/durangotik-hegoaldera-iii

Lehiaketaren aurkezpena eta Guatemala eta Kongoko Errepublika Demokratikoari buruzko dokumental laburrak

Osteguna, abenduak 11, 19:00, Zugaza Zinemetan

Gorde lekua: https://erabili.liberaforms.org/abenduak-11-diciembre

Indarkeria obstetrikoaren inguruko saioa, Nahia Alkortarekin

Asteazkena, abenduak 17, 18:00, Andragunean

Gorde lekua: https://erabili.liberaforms.org/abenduak-17-diciembre

Osasun menstrualari buzuko saioa, Izaskun Zarandikoetxearekin

Osteguna, abenduak 18, 18:00, Andragunean

Gorde lekua: https://erabili.liberaforms.org/abenduak-18-diciembre

Harremanetarako eta zalantzak argitzeko:

educa.bizkaia@medicusmundi.es

688717051